სამაუწყებლო კომპანია „რუსთავი 2-ის" გენერალური დირექტორი ნიკა გვარამია სასამართლო პროცესზე 500 ლარით დააჯარიმეს. გვარამიამ მოსამართლეთა კოლეგიის თავმჯდომარის, ნატა ნაზღაიძის აცილების შუამდგომლობა დააყენა.
გვარამიას თქმით, ნაზღაიძე მიკერძოებულია და მას არ ამთავრებინებს სიტყვას, „ამაზრზენად იქცევა, გადის კანონის ფარგლებიდან". გარდა ამისა, გვარამიამ პროცესის გადადების შუამდგომლობა დააყენა და მოითხოვა, რომ სასამართლოს ჩამოეყალიბებინა პოზიცია თამაზ ურთმელიძის გადაწყვეტილებების კანონიერების შესახებ.
როგორც მოსამართლემ, ნატა ნაზღაიძემ თქვა, გვარამიამ მას დავალების შემსრულებელი უწოდა, რაც დაუსაბუთებელი ბრალდებაა. სწორედ, ეს გახდა გვარამიას დაჯარიმების მიზეზი.
