„ერთიანმა ნაციონალურმა მოძრაობამ“ ვაკის მაჟორიტარად პეტრე ცისკარიშვილი წარადგინა. წარდგენას პარტიის ერთ-ერთი ლიდერი დავით ბაქრაძე და საარჩევნო შტაბის ხელმძღვანელი ნიკა მელია ესწრებოდნენ.
„ჩვენ არც ერთი დღე და არც ერთი საათი აღარ გვაქვს დასაკარგი, ამიტომ მე დარწმუნებული ვარ, რომ თბილისის ეს უბანიც გააკეთებს არჩევანს, რომ საქართველო დაბრუნდეს განვითარებისა და პროგრესის გზაზე. ჩვენი მიზანია, თითოეულ ოჯახს მეტი კეთილდღეობა ჰქონდეს, მოხდეს ქვეყნის სწრაფი ინტეგრაცია ევროპაში და, რაც მთავარია, არანაირი საფრთხე არ დაემუქროს სიტყვის თავისუფლებას“, - განაცხადა პეტრე ცისკარიშვილმა, რომელიც კენჭს ვაკე 3 (ვაჟა ფშაველა - ნუცუბიძის) ოლქში იყრის.
„ერთიანმა ნაციონალურიმა მოძრაობამ“ მაჟორიტარობის კანდიდატები შემდეგ ოლქებში წარადგინა:
ვაკე - ელენე ხოშტარია და პეტრე ცისკარიშვილი, ბოლნისი - სამირა ისმაილოვა, მარნეული - აზერ სულეიმანოვი, ასპინძა - ბორჯომი - ტარიელ ლონდარიძე, ახალციხე - ვაჟა ჩიტაშვილი, გურჯაანი - გიორგი ღვინიაშვილი, თელავი - გიორგი ბოტკოველი.
