მიუნხენის სავაჭრო ცენტრში (OEZ shopping center) ცეცხლსასროლი იარაღიდან ისროლეს. არიან დაღუპულები და დაშავებულები. მომხდარის გამო მიუნხენში განსაკუთრებული მდგომარეობა გამოცხადდა.
„დოიჩე ველე“ პოლიციაზე დაყრდნობით იუწყება, რომ მიუნხენში სროლები სამ ადგილზე განხორციელდა - ოლიმპიურ სავაჭრო ცენტრში, ჰანაუერშტრასისა და რისშტრასეს ქუჩებზე.
მომხდართან დაკავშირებით განცხადებას ავრცელებს საქართველოს საგარეო საqმეთა სამინისტრო.
"გერმანიის ქალაქ მიუნხენში განვითარებულ მოვლენებთან დაკავშირებით, ვაქვეყნებთ ცხელი ხაზის ნომერს +491 62 88 55 303.
მოვუწოდებთ მიუნხენში მყოფ საქართველოს მოქალაქეებს, საჭიროების შემთხვევაში დაუკავშირდნენ საკონსულო დაწესებულებას.
გაცნობებთ, რომ მიუნხენის სამართალდამცავებმა გამოაცხადეს განსაკუთრებული შემთხვევის რეჟიმი და პოლიცია მოუწოდებს მოსახლეობას, განსაკუთრებული აუცილებლობის გარეშე თავი აარიდონ სახლიდან გამოსვლას"- ნათქვამია განცხადებაში.
