როგორც ბავარიის მთავრობა აცხადებს,  რომ 18 წლის თავდამსხმელმა, რომელმაც მიუნხენში 9 ადამიანი მოკლა, თავდასხმის დაგეგმვა ერთ წელზე მეტი ხნით ადრე დაიწყო. დევიდ ალი სონბოლი სავაჭრო ცენტრში თავდასხმამდე ერთი წლით ადრე გერმანიის სამხრეთ-დასავლეთ ნაწილში იმ სკოლას ესტუმრა, რომელშიც 2009 წელს 15 ადამიანი მოკლეს.
მთავრობის წარმომადგენლის განცხადებით, მკვლელმა გამოიყენა გლოკის სისტემის პისტოლეტი, რომელიც ინტერნეტში სპეციალური პროგრამის დახმარებით, „შავ ბაზარზე" შეიძინა. რობერტ ჰაიმბერგის განცხადებით, თავდამსხმელის მშობლები შოკურ მდგომარეობაში არიან და სამართალდამცველები ჯერჯერობით მათ დაკითხვას ვერ ახერხებენ.
ჰაიმბერგმა კონფერენციაზე ასევე განაცხადა, რომ ჩხრეკის შედეგად ვერ აღმოაჩინეს ნორვეგიელი მკვლელის, ანდერს ბრეივიკის მანიფესტი.
მედიაში ვრცელდებოდა ინფორმაცია, რომ 18 წლის დევიდ ალი სონბოლს კავშირი ჰქონდა ანდერს ბრეივიკთან, რადგან თავდასხმა სავაჭრო ცენტრში სწორედ ნორვეგიის ტრაგედიიდან 5 წლის შემდეგ მოხდა.
მიუნხენის პროკურატურის პრესკონფერენციაზე განაცხადეს, რომ 2015 წელს სონბოლიმ 2 თვე გაატარა ფსიქიატრიულ დაწესებულებაში.
„მას ეშინოდა ადამიანებთან კომუნიკაციის, ასევე ჰქონდა დეპრესია", - განაცხადა ტომას სტაინკრაუს-კოხმა

მიუნხენის სავაჭრო ცენტრში მომხდარ თავდასხმას 9 ადამიანის სიცოცხლე ემსხვერპლა.