„საქართველოს რკინიგზის" ინფორმაციით, დღეს 9:10 საათზე შვეიცარული კომპანია Stadler Bussnang AG-ის უმაღლესი სტანდარტის ელექტრომატარებელი პირველ მგზავრებთან ერთად შავი ზღვის კურორტებისაკენ დაიძრა. 

ახალი, ორსართულიანი მატარებელი მხოლოდ ზღვისპირა კურორტებზე - ურეკში, ქობულეთსა და ბათუმში გაჩერდება. ორივე მიმართულებით დღეში ორი რეისი შესრულდება: 

თბილისი (9:10) - ბათუმი (14:09), 
თბილისი (18:20) - ბათუმი (23:19).

ასევე ორი რეისია ბათუმიდან თბილისის მიმართულებით:
ბათუმი (7:35) - თბილისი (12:30),
ბათუმი (17:05) - თბილისი (22:00).

ახალ მატარებელზე მგზავრობის საფასური არ შეცვლილა: მეორე კლასი - 23 ლარი, პირველი კლასი - 40 ლარი, ბიზნესკლასი - 55 ლარი.