ხათუნა ლაგაზიძემ „პაატა ბურჭულაძე - მოძრაობა „სახელმწიფო ხალხისთვის“ დატოვა. როგორც for.ge-სთან საუბარში ლაგაზიძე ამბობს, ბურჭულაძემ პარტიის საარჩევნო სია ფულზე გაყიდა.
„ჩვენ კი არ ვუღალატეთ პაატას, პაატამ გაგვყიდა ჩვენ, პარტია, ადამიანები და იდეა - ყველაფერი ერთად! ჩვენ კი არ გამოვიქეცით, არამედ ეს იყო პაატა ბურჭულაძის პირადი არჩევანი - „ნაციონალების“ სია, ხოლო როგორ კომპლექტდებოდა ეს სია, ეს ცალკე ისტორიაა და არანაკლებ მნიშვნელოვანი", - ამბობს ლაგაზიძე.
ხათუნა ლაგაზიძე „პაატა ბურჭულაძე - მოძრაობა „სახელმწიფო ხალხისთვის“ 30-კაციან საარჩევნო სიაში არ არის.
„სახელმწიფო ხალხისთვის” საარჩევნო სია ასეთია: 1. პაატა ბურჭულაძე, 2. გიორგი ვაშაძე, 3. დავით ჯანდიერი, 4. ვახტანგ მეგრელიშვილი, 5. ირაკლი ყიფიანი, 6. იაგო ხვიჩია, 7. დავით კიზირია, 8. გიორგი მელაძე, 9. მელორ ტყეშელაშვილი, 10. მამუკა კაციტაძე, 11. გიორგი პაპავა და 12. ზურაბ ჯაფარიძე.