დღეს თბილისში სოხუმის დაცემის დღესთან დაკავშირებით ნაციონალისტური ჯგუფების მსვლელობა გაიმართა. მსვლელობისას პოლიციამ რამდენიმე მონაწილე მარჯანიშვილის მეტროს მიმდებარე ტერიტორიაზე დააკავა.
ნაციონალისტური ჯგუფის წევრები რუსთაველის მეტროსთან შეიკრიბნენ და აღმაშენებლის გამზირზე შეძახილებით გადაინაცვლეს. პოლიციასა და აქციის მონაწილეებს შორის დაპირისპირება მოხდა, რის შემდეგაც მოხდა აქციის მონაწილეების დაკავება.
შსს-მ „ლიბერალს“ უთხრა, რომ საქართველოს ადმინისტრაციული კოდექსის სამართალდარღვევის შედეგად დაკავებულია რამდენიმე პირი, თუმცა დაკავებულთა რაოდენობა ჯერ ცნობილი არ არის.
