დეკანოზ გიორგი მამალაძის ადვოკატმა, გიორგი ფანცულაიამ ტელეარხ „პირველის“ ეთერში, გადაცემა „რეაქციაში“ განაცხადა, რომ მამა გიორგი მამალაძეს ციანიდი არ ჰქონია და მას ციანიდი ჩაუდეს.
„სასაცილო არის, ჩვენ ადვოკატებს არ გვაქვს ლაპარაკის უფლება. ბატონ მიხეილს აქვს საუბრის უფლება, თუმცა მას არ გადასცეს მასალები. მიხეილ რამიშვილი ფლობს იმ ინფორმაციას, რაც მისი დაცვის ქვეშ მყოფმა, ანუ ბრალდებულმა მიაწოდა. არსებობს მტკიცებულებები, რომელიც არაფერს არ ადასტურებს, მე ამას ვამტკიცებ.
აქ ხომ მარტო ადვოკატის პროფესიაზე არ არის საუბარი; ეს ხომ საუკუნის პორცესია; ჩემს სიტყვებს ხომ თვეების შემდეგ წინ დაიდებენ. მე ვამბობ სრული პასუხისმგებლებით, მამა გიორგი მამალაძე აბსოლუტურად არავის მკვლელობის მომზადებას არ აკეთებდა, მას ციანიდი არ ჰქონდა; მამა გიორგი მამალაძეს ციანიდი არ მიჰქონდა და მამა გიორგი მამალაძეს ციანიდი ჩაუდეს. ამ სიტყვის პირდაპირი მნიშვნელობით, ამას დავამტკიცებ.“ - განაცხადა გიორგი ფანცულაიამ.
