მონუმენტს „კიდევაც დაიზრდებიან“ კულტურული მემკვიდრეობის უძრავი ძეგლის სტატუსი მიენიჭა. კულტურული მემკვიდრეობის დაცვის ეროვნული სააგენტოს ხელმძღვანელის, ნიკოლოზ ანთიძის ბრძანება „საკანონმდებლო მაცნეში“ უკვე გამოქვეყნდა. მონუმენტის ავტორი მოქანდაკე მერაბ ბერძენიშვილია.
ბრძანების მიხედვით, კულტურული მემკვიდრეობის უძრავი ძეგლის სტატუსი მიენიჭა ასევე მე-14 საჯარო სკოლას, რომელიც ქუთაისში სულხან-საბა ორბელიანის ქუჩაზე მდებარეობს.
