„აფგან მუხთარლი საქართველო-აზერბაიჯანის საზღვრის კვეთის დროს, ბალაკენის რეგიონში დააკავეს, რის დროსაც მან სასაზღვრო პოლიციას წინააღმდეგობა გაუწია. მას თან დიდი ოდენობით თანხა აღმოაჩნდა" - აზერბაიჯანული პრესის ცნობით, ამის შესახებ განცხადებას აზერბაიჯანის პროკურატურა ავრცელებს.
აფგან მუხთარლი, რომელიც საქართველოში გაუჩინარდა, ამჟამად ბაქოშია დაკავებული. მისი თქმით, თბილისიდან მის გატაცებაში ქართული სპეცსამსახურებიც მონაწილეობდნენ.
ადვოკატების თქმით, ჟურნალისტი ნაცემია და მას სავარაუდოდ ნეკნი აქვს გატეხილი.
შსს გამოძიება თავისუფლების უკანონოდ აღკვეთის მუხლით აწარმოებს.
