საზოგადოებრივი მაუწყებლის სერიალის „ვაკანსია მკვლელის თანამდებობაზე“ გადასაღებ ტენდერში შპს „ლე ხაინდრაო პროდაქშენმა“ გაიმარჯვა.

შპს „ლე ხაინდრაო პროდაქშენის“ დირექტორი და 33%-ის მფლობელი გოგა ხაინდრავაა.

საზოგადოებრივ მაუწყებელს ტენდერი მხატვრული სერიალის (12 სერიის) წარმოებისა და ტექნიკური უზრუნველყოფის მომსახურების შესყიდვაზე ჰქონდა გამოცხადებული.

მიმწოდებელმა, ამ შემთხვევაში შპს „ლე ხაინდრაო პროდაქშენმა“, უნდა უზრუნველყოს თანდართული 12 სერიის სცენარის მიხედვით მხატვრული სერიალის წარმოება და ტექნიკური უზრუნველყოფა.

ტენდერში მონაწილეობდა ორი კომპანია: შპს „კავკასიის კინოსერვისი“ და შპს „ლე ხაინდრაო პროდაქშენი“.

ტენდერის სავარაუდო ღირებულება 531 848 ლარი იყო. „ლე ხაინდრაო პროდაქშენი“ მომსახურებას  484 000 ლარად გასწევს. შპს „კავკასიის კინო სერვისმა“ კი უფრო ძვირი 531 848 ლარი დაასახელა.