სახელმწიფო უსაფრთხოების სამსახურის განცხადებით, სპეცოპერაციის დროს დაიღუპა სუს-ის 1 თანამშრომელი და დაიჭრა 2, ასევე დაჭრილია შსს-ის განსაკუთრებულ დავალებათა დეპარტამენტის ორი თანამშრომელი. 

კონტრტერორისტული სპეცოპერაციის შედეგად  დაკავებულია დანაშაულებრივი დაჯგუფების ერთი წევრი და ლიკვიდირებულია სამი. - ამ წუთებში ნინო გიორგობიანმა ბრიფინგი გამართა. 

რამდენიმე საათის წინ ბერი გაბრიელ სალოსის ქუჩაზე მიმდინარე სპეცოპერაციისას დაჭრილი სპეცრაზმელი გარდაიცვალა. ამის შესახებ მედიას ექიმმა განუცხადა. მისი თქმით, დაღუპული 41 წლის იყო.

„პაციენტის მდგომარეობა შემოსვლის მომენტში იყო კრიტიკული, უკიდურესად მძიმე. გამოხატლი იყო ქალა ტვინის მძიმე ტრავმა, სარქვლის ძვლების მრავლობითი მოტეხილობა, სისხლჩაქცევები, ქალას ფუძის მოტეხილობა, ტრავმა სიცოცხლესთან შეუთავსებელი. სამწუხაროდ, პაციენტი გარდაიცვალა“, - განაცხადა ექიმმა