საპარლამენტო უმრავლესობამ საკონსტიტუციო სასამართლოს მოსამართლეობის კანდიდატად ევა გოცირიძე წარადგინა. მის კანდიდატურას პარლამენტში, უმრავლესობაში შემავალმა ექვსმა ფრაქციამ დაუჭირა მხარი. დამტკიცების შემთხვევაში ის მოსამართლე ლალი ფაფიაშვილს შეცვლის, რომელსაც საკონსტიტუციო სასამართლოში უფლებამოსილების ვადა ეწურება. გოცირიძის კანდიდატურა ბიუროს დღევანდელ სხდომაზე შევიდა.
ევა გოცირიძე 2013 წლიდან დღემდე იუსტიციის უმაღლესი საბჭოს წევრია. 2016 წელს საპარლამენტო უმრავლესობამ ის ადამიანის უფლებათა ევროპულ სასამართლოში მოსამართლეობის კანდიდატაც წარადგინა, სადაც გოცირიძემ ნანა მჭედლიძე ჩაანაცვლა. თუმცა, ევროსაბჭოს საპარლამენტო ასამბლეის კომიტეტმა 2017 წლის 24 იანვარს ევროსასამართლოს მოსამართლეობის კანდიდატთა ის სია ჩააგდო, სადაც ევა გოცირიძე იყო წარდგენილი.
