საქართველოს შინაგან საქმეთა მინისტრმა, გიორგი გახარიამ  შსს-ში შემავალი სამხედრო და სპეციალური წოდების მქონე მოსამსახურეების სახელფასო დანამატები, ასევე, სავალდებულო სამხედო მოსამსახურეთა ფულადი სარგო დაამტკიცა. შესაბამისი ბრძანება „საკანონმდებლო მაცნეში„  26 იანვარს გამოქვეყნდა.

ბრძანების მე-4 მუხლის მიხედვით, სამინისტროს სავალდებულო სამხედრო სამსახურის მოსამსახურეთა ყოველთვიური ფულადი სარგო 33 ლარის ოდენობით განისაზღვრა.

სამინისტროს ობიექტების დაცვის დეპარტამენტის სავალდებულო სამხედრო სამსახურის სამხედრო მოსამსახურეთა ყოველთვიური ფულადი სარგო განისაზღვრა 32 ლარის ოდენობით.

ბრძანებაში ასევე ნათქვამია, რომ  სამინისტროს ობიექტების დაცვის დეპარტამენტის II სამმართველოს III განყოფილების III ქვეგანყოფილების სავალდებულო სამხედრო სამსახურის მოსამსახურეთა ყოველთვიური ფულადი სარგო განისაზღვრა  48  ლარის ოდენობით.

რაც შეეხება შინაგან საქმეთა სამინისტროს სამხედრო ან სპეციალური წოდების მოსამსახურეთა დანამატს წელთა ნამსახურების მიხედვით – 1-დან 2 წლამდე  – 5%-ია,  2-დან 5 წლამდე – 10%; 5-დან 10 წლამდე – 15%; 10 წელი და მეტი – 20%.

შინაგან საქმეთა სამინისტროს  მოსამსახურეთა წოდებრივი სარგოს განაკვეთები ყოველთვიურად კი ასე გამოიყურება:

გენერალ პოლკოვნიკის წოდებრივი სარგო ყოველთვიურად 120 ლარია;

გენერალ-ლეიტენანტის –110 ლარი; გენერალ მაიორის – 100 ლარი;

პოლკოვნიკის წოდებრივი სარგო –70 ლარია;

უფროსი ლეიტენანტის – 30 ლარი; ლეიტენანტის – 25, ხოლო უმცროსი ლეიტენანტის – 20 ლარი;

სერჟანტის წოდებრივი სარგო ყოველთვიურად 5 ლარია, ხოლო პოლიციის რიგითის – 3 ლარი.