თბილისის მერმა ცხოვრელთა მონიტორინგის სამსახურის უფროსის თანამდებობაზე ვახტანგ ლომჯარია წარადგინა. მერიის ინფორმაციით, ლომჯარია პროფესიით ეკონომისტი, ფინანსისტი და საჯარო მმართველობის სპეციალისტია.

„მას განათლება გერმანიაში აქვს მიღებული. ამჟამად, გადის დოქტორანტურას საქართველოს საზოგადოებრივ საქმეთა ინსტიტუტში. აქვს საჯარო და კერძო სექტორში მუშაობის მრავალფეროვანი გამოცდილება. ასევე, დაკავებულია პედაგოგიური საქმიანობით ილიას სახელმწიფო უნივერსიტეტსა და საქართველოს საზოგადოებრივ საქმეთა ინსტიტუტში“, - განაცხადა კახა კალაძემ.

მისი განმარტებით, ბოლო პერიოდში სააგენტოს მიმართ ბევრი შენიშვნა და პრეტენზია იყო, ახალი გუნდი კი ქალაქის საჭიროებებს დააკმყოფილებს. მისივე თქმით, ახალი ხელმძღვანელობის პირობებში, აღნიშნული სამსახური ჰუმანური, სამართლიანი და თანამედროვე იქნება, რომელიც მოსახლეობის უსაფრთხოებასა და ცხოველთა უფლებებზე იზრუნებს.

ვახტანგ ლომჯარიამ კი განაცხადა, რომ „ცხოველებთან დამოკიდებულება მეტად ადამიანური უნდა იყოს, თუმცა ამავდროულად, მოსახლეობის კომფორტი უნდა დავიცვათ".