ყველაფერი იმით დაიწყო, რომ რამდენიმე თვის წინ „ლიბერალის“ ოფისში ლუკა პრინტერის შესაკეთებლად მოვიდა. როცა გაიგო, რომ ჟურნალისტები ვართ, საკუთარი ისტორიის მოსაყოლად მოსმენა გვთხოვა.
ქრონოლოგიურად გვიყვებოდა თავის ბავშვობაზე, ციხეში გატარებულ წლებზე, ბავშვთა სახლში გადამხდარ ისტორიებზე.
ლუკას უსამართლობის განცდა აწუხებს და უნდა, რომ ამის შესახებ ყველამ იცოდეს. ლუკას უნდა რომ ყველას გითხრათ, რომ ჰქონდა გეგმები, ოცნებები, რომელთა ასრულებაც ვერ შეძლო. რომ არა ერთი დღე მის ცხოვრებაში, მისი ბედი სულ სხვანაირად წარიმართებოდა.
ლუკა 28 წლისაა. ციხიდან გამოსვლის შემდეგ ნინო ჭუბაბრია დაეხმარა და ხელობა ასწავლა. დღეს პრინტერის კარტრიჯებს ცვლის და მინანქრის ნაკეთობებზე მუშაობს. იგი ქუჩაში მცხოვრებ ბავშვებს ეხმარება ხელობის სწავლაში, რომელთა მსგავსადაც ქუჩა ერთ დროს მისი თავშესაფარიც იყო.
