„გიორგი გახარიას მხრიდან გაკეთებული განცხადება იყო ღირსეული ნაბიჯი“,- განაცხადა თბილისის მერმა კახა კალაძემ აქციაზე „ჩვენი თავისუფლებისთვის“. ცოტა ხნის წინ აქციაზე შს მინისტრი გიორგი გახარია და კახა კალაძე მივიდნენ.
კახა კალაძემ ასევე მადლობა გადაუხადა პრემიერ-მინისტრს გიორგი კვირიკაშვილს და ახალგაზრდებს.
„ეს ყველაფერი მეტყველებს იმაზე, რომ ჩვენ ვართ ხალხის ხელისუფლება“,- განაცხადა კახა კალაძემ.
გიორგი გახარიამ რამდენიმე წუთის წინ აქციის „ჩვენი თავისუფლებისთვის“ მონაწილეებს მიმართა. მან მიმართვის დასაწყისში აქციის მონაწილეებს ბოდიში მოუხადა - "ბოდიშს გიხდით სამინისტროს ყველა იმ თანამშრომლის სახელით, თუ რომელიმე თქვენგანმა თქვენი უფლებები შელახა."
გახარიამ აქციის მინაწილეებს ასევე მოუწოდა მათაც მოუხადონ ბოდიში სამართადამცველებს, ვისაც მათ მიაყენეს შეურაცხყოფა, რაზედაც პასუხად უკმაყოფილო შეძახილები მოჰყვა. "კარგი, ეს თქვენი არჩევანია" - უთხრა მინისტრმა აქციის მონაწილეებს.
