შპს „ენძელა“
შპს „ნალი“
შპს „ფარმა 2016“
შპს „ფარმაგიდი +“
შპს „მ.ქ. ფარმა“
შპს „მულტი ვსლ“
შპს „დათუჩა“
შპს „სან ფარმა“
შპს „ნინფარმი“
შპს „იმედი +“
„შპს „ნანფარმა“
შპს „ფარმა-27“
შპს „ნათი+“
შპს „პოლისიფარმა“
შპს „იმედი“
როგორც სუს-ის ანტიკორუფციულ სააგენტოში აცხადებენ, ეს არის სია იმ 15 სააფთიაქო დაწესებულებისა, რომელშიც ფსიქოტროპული საშუალებების უკანონო რეალიზაციის ფაქტები გამოავლინეს.
მათი თქმით, ბოლო რამდენიმე თვის განმავლობაში მიმდინარეობდა ოპერატიულ-სამძებრო ღონისძიებები და საგამოძიებო მოქმედებები ე.წ. „სააფთიაქო ნარკომანიის“ სფეროში ფსიქოტროპული საშუალებების უკანონო ბრუნვის გამოსავლენად.
სასამართლოს მიერ გაცემული განჩინების საფუძველზე, ოპერატიულმა თანამშრომლებს თბილისსა და გორში 15 სააფთიაქო დაწესებულებაში სხვადასხვა დასახელების ფსიქოტროპული საშუალება რეცეპტის გარეშე შეისყიდეს, „რითაც უტყუარად დადასტურდა გარემოება, რომ აღნიშნულ დაწესებულებებში ფსიქოტროპული საშუალებების რეალიზაცია უკონტროლოდ მიმდინარეობს".
გამოძიების მიხედვით, ჩხრეკის შედეგად ამოღებულია დიდი რაოდენობით გადამალული ფსიქოტროპული პრეპარატები, ე.წ. „შავი ბუღალტერია“ და აფთიაქების საქმიანობის ამსახველი კომპიუტერული მონაცემები.