თბილისში, გორგასლის ქუჩაზე მდებარე TBC ბანკის ფილიალში „მოლოტოვის კოქტეილი“ შეაგდეს. როგორც TBC-ში „ლიბერალს“ განუცხადეს, უცნობმა კაცმა ფილიალში ბოთლი შეაგდო და ცეცხლის მოკიდება სცადა. 

შსს-ს ინფორმაციით, აღნიშნულ დანაშაულში ბრალდებული პირი ცხელ კვალზე, შემთხვევის ადგილზე დააკავეს. გამოძიება სისხლის სამართლის კოდექსის ორი მუხლით მიმდინარეობს ხულიგნობა და ნივთის დაზიანება ან განადგურება (სსკ-ს 239-ე და 187-ე).

უწყების განცხადებით, არავინ დაშავებულა.