საავტომობილო გზების დეპარტამენტის ინფორმაციით, ყაზბეგის მუნიციპალიტეტში, გერგეტის სამების ეკლესიასთან მისასვლელი გზის მშენებლობა დასრულდა. მისი სიგრძე 5.6 კმ-ია. გარდა ცემენტ-ბეტონის გზისა, ასევე მოეწყო ავტომობილების გასაჩერებელი მოედნები. 

საავტომობილო გზების დეპარტამენტში განმარტავენ, რომ გერგეტის ტაძრამდე მისასვლელი ძველი გზა ახალი გზის პარალელურად იარსებებს. 

„გერგეტის ყოვლადწმინდა სამების ტაძარი XIV საუკუნის ძეგლია და განსაკუთრებულ ინტერესს იწვევს ტურისტების მხრიდან. ახალი გზა მნიშვნელოვნად შეუწყობს ხელს, ყაზბეგის ტურისტული პოტენციალის განვითარებას“,- აცხადებენ დეპარტამენტში.

მათი ინფორმაციით, პროექტი სახელმწიფო ბიუჯეტიდან დაფინანსდა და მისმა ღირებულება 7 793 854 ლარია.