ტაქსის მძღოლები მერიის ახალ რეგულაციებს აპროტესტებენ.
დიდი დიღმის ტრასიდან ისინი სიგნალებით ბიძინა ივანიშვილის სახლისკენ მიემართებიან.
***
თბილისის მერის მოადგილის, ილია ელოშვილის თქმით, ამჟამად 27 ათასი ტაქსის მძღოლს აქვს გავლილი ლიცენზირება. შესაბამისად, მათ მერიისგან გადაეცემათ:
- უფასო საპარკინგე ადგილები;
- მანათობელი ნიშნები;
- ღებვისა და ქიმწმენდის ვაუჩერი რეკლამის სანაცვლოდ;
- შემოსავლის წყარო, უფასო რეკლამის სახით;
- გათავისუფლდებიან საშემოსავლო გადასახადისაგან;
ილია ელოშვილის თქმით, ისინი ასევე წავიდნენ დათმობაზე და ტაქსის მძღოლებს მანქანის თეთრად გადაღებვის ალტერნატივას სთავაზობენ.
„ჩვენ მუდმივად ვართ კომუნიკაციის რეჟიმში ტაქსის მძღოლებთან. საინიციატივო ჯგუფიც გვაქვს, რის შედეგადაც გადავწყვიტეთ, რომ მიიღებენ უფლებას თეთრად გადაღებვის ნაცვლად გადაიკრას მანქანის ფირი. ჩვენ გადავწყვიტეთ, ამ დათმობაზე წავსულიყავით," - ამბობს მერის მოადგილე.
