განათლების რეფორმის მხარდასაჭერად მსოფლიო ბანკთან 100 მილიონ დოლარამდე გრანტის გამოყოფაზე ხელშეკრულება გაფორმდება, - ამის შესახებ განათლების, მეცნიერების, კულტურისა და სპორტის მინისტრმა მიხეილ ბატიაშვილმა მთავრობის სხდომის შემდეგ გამართულ ბრიფინგზე განაცხადა.
მისივე ცნობით, ხელმოწერა ხვალ გაფორმდება.
„მსოფლიო ბანკი კიდევ უფრო მნიშვნელოვანი პარტნიორი ხდება განათლების რეფორმის, რაც გამოიხატება კონკრეტულად როგორც მის მხარდაჭერაში, ასევე გაფორმდება ხელშეკრულება 100 მილიონ დოლარამდე გრანტის გამოყოფაზე, რომელიც მთლიანად იქნება მიმართული განათლების რეფორმისთვის. ამ კომპონენტებში იქნება როგორც ინფრასტრუქტურული ნაწილი, ასევე სხვადასხვა განათლების კომპონენტების მხარდაჭერა. ხვალინდელი ხელმოწერაც ჩვენი ქვეყნისთვის ძალიან მნიშვნელოვანია“, - განაცხადა ბატიაშვილმა.
