ახალციხის 35 უბნიდან ენმ-მა მხოლოდ მე-9 და 31 უბანი მოიგო. საბოლოო მონაცემებით შეგახსენებით, რომ პირველი ტურში ხმათა უმრავლესობა 44.07% ვაჟა ჩიტაშვილმა მიიღო, ხოლო გიორგი კოპაძემ 39.65%. 

წინასწარი მონაცემებით ახალციხე/ადიგენის ოლქში გიორგი კოპაძემ გაიმარჯვა

ახალციხის ოლქის 35 უბნიდან 8 უბანში ხმის დათვლის პროცესი დასრულდა. ყველა უბანზე „ქართული ოცნების" კანდიდატი ლიდერობს. შედეგები ასე განაწილდა:

11-ე უბანი 

გიორგი კოპაძე - 156 

ვაშა ჩიტაშვილი - 48 

25-ე უბანი 

გიორგი კოპაძე - 198
ვაჟა ჩიტაშვილი - 127

26-ე უბანი 

გიორგი კოპაძე 217
ვაჟა ჩიტაშვილი 29

34ე უბანი

გიორგი კოპაძე 203
ვაჟა ჩიტაშვილი 85

35ე უბანი

გიორგი კოპაძე 327
ვაჟა ჩიტაშვილი 102

მე13 უბანი

გიორგი კოპაძე 215
ვაჟა ჩიტაშვილი 74

მე-18 უბანი
კოპაძე - 490 

ჩიტაშვილი - 121

მე19 უბანი

კოპაძე 221

ჩიტაშვილი 54

27ე უბანი

კოპაძე - 603
ჩიტაშვილი - 186

მე20

კოპაძე 272
ჩიტაშვილი 101

 21ე

კოპაძე 186
ჩიტაშვილი 469

ახალციხის მე-4 საარჩევნო უბნის შენობაში მოქალაქეები მაინდენტიფიცირებელი ბედჯის გარეშე იმყოფებიან. 

უბნის კომისიის თავმჯდომარემ „ლიბერალს" უთხრა, რომ მთელი დღის განმავლობაში პროცესი მშვიდ პირობებში, მნიშვნელოვანი დარღვევების გარეშე მიმდინარეობდა და აგიტაციას ადგილი არ ჰქონია. 

თუმცა, კომისიის თავმჯდომარე უბნის შენობაში უცხო პირთა ყოფნით მხოლოდ მას შემდეგ დაინტერესდა, რაც „ლიბერალმა" მათზე მიუთითა. 

აღნიშნული პირები არ პასუხობენ „ლიბერალის" კითხვას, თუ ვინ არიან და რას აკეთებენ საარჩევნო უბანზე მაინდენტიფიცირებელი ნიშნის გარეშე. ზოგიერთმა მათგანმა პასუხს თავი აარიდა, ზოგიერთმა კი განაცხადა, რომ მეგობარს ელოდება, რომელიც ტყალეტში იმყოფება. 

კომისიის თავმჯდომარემ მათ შენობის დატოვება სთხოვა, რის შემდეგაც მათ ეზოში გადაინაცვლეს, მოგივანებით კი ტერიტორია დატოვეს. 

კენჭისყრისთვის გამოყოფილ ოთახში ამომრჩეველთა სიმრავლეა. აღნიშნული პირები ოთახში არ შესულან. 

„ქართული ოცნების“ კანდიდატი გიორგი კოპაძე ამბობს, რომ საპარლამენტო მანდატის მოპოვების შემთხვევაში ყველა ადამიანის უფლებებს დაიცავს, განურჩევლად აღმსარებლობისა.

მას შემდეგ, რაც „ლიბერალმა“ მას მუსლიმი თემის ჩივილი გააცნო, კოპაძე ამბობს, რომ მუსლიმ მოსახლეობას ხშირად ხვდება.

„ჩემთვის მუსლიმი, ქრისტიანი, გრიგორიანელი, მართლმადიდებელი, კათლიკე... ამას დიდი მნიშვნელობა არ აქვს. ჩემთვის ყველა მროწმუნე მორწმუნეა და ყველა ჩემი ქვეყნის მოქალაქეა. მე ყველას უფლებებს დავიცავ“ - ამბობს კოპაძე.

მისი თქმით, მართალია, 3 წლის წინ ჭელაში მინარეთის აღმართვას აპროტესტებდა, თუმცა მინარეთი მაინც აღმართა.

„ჭელაში ჩვენ ვაპროტესტებდით რა თქმა უნდა, მაგრამ შემდეგ ჩვენვე გავატარეთ მინარეთი და დაიდგა. ეს იყო სახელმწიფოებრივი მიდგომის პოზიცია“ - ამბობს კოპაძე.

ადიგენის საარჩევნო ოლქში 17:00 საათის მდგომარეობით ამომრჩეველთა აქტივობა 48,83%-ია, რაც იმას ნიშნავს, რომ ხმა 7 580-მა ამომრჩეველმა მისცა. ადიგენის ოლქში 18 უბანი შედის.

საოლქო კომისიის თავმჯდომარე ჯაბა მაჭარაშვილმა „ლიბერალს“ უთხრა, რომ ამ დროითვის კომისიისთვის სულ ერთი საჩივრის შესახებ არის ცნობილი, რომელიც დილით მომხდარ ფაქტს ეხება.

„მე-12 უბანზე ამომრჩეველი კაბინიდან გამოვიდა და ბიულეტენი შემდეგ გადაკეცა“ - ამბობს კომისიის თავმჯდომარე.

რაც შეეხება ახალციხის საარჩევნო ოლქს, 17:00 საათის მდგომარეობით, აქტივობა 45,75%-ია, რაც იმას ნიშნავს, რომ ხმა 15 899 ადამიანმა მისცა. ახალციხის ოლქში სულ 35 უბანი შედის.

საოლქო კომისიაში აცახდებენ, რომ ამ დროისთვის სულ 4 საჩივარია შესული, თუმცა დარღვევები უმნიშნელოა, რამდენადაც ისინი კენჭისყრის პრიცედურებს უკავშირდება.

„მაგალითად, ერთ-ერთი საჩივრის თანახმად, 24-ე უბანზე ამომრჩეველმა ხმა პირადობის ასოლით მისცა. 30-ე უბანზე ამომრჩეველს მარკირების სითხე ხელზე წინასწარ დაასხეს, შემდეგ კი აღმოჩნდა რომ იგი ამ უბანზე არ იყო ჩაწერილი“ - ამბობენ ახალციხის საოლქო კომისიაში.

სამი წელი გავიდა მას შემდეგ, რაც სოფელ ჭელაში გიორგი კოპაძე მინარეთის დაბრუნებას აპროტესტებდა. ამჟამად „ქართული ოცნების“ მაჟორიტარი კანდიდატი ახალციხე-ადიგენში, თანამოაზრეებთან ერთად რეფერენდუმის ჩატარებასაც ითხოვდა, რომლითაც მოსახლეობას უნდა გადაეწყვიტა, უნდა იყოს თუ არა საქართველოში მინარეთები. 

ჭელას მეჩეთის იმამი ჯამბულ აბულაძე ამბობს, რომ გიორგი კოპაძე საპარლამენტო მანდატის მოპოვების შემთხვევაში მუსლიმი თემის ინტერესების დამცველი არ იქნება:

„ჩვენმა ხელისუფლებამ კოპაძის კანდიდატურის წამოყენებით ხაზგასმით მიგვანიშნა, რომ კოპაძე წარმოადგენს ხელისუფლებს სახეს. ეს პიროვნება გამოირჩეოდა ქსენოფობიური განცხადებებით, უმცირესობებსადმი სიძულვილით. აქედან გამომდინარე, ამ რეგიონში მისი კანდიდატურის დაყენებით, ვფიქრობ, ძალიან ცუდად მოიქცა ხელისუფლება. კოპაძე თუ შევიდა პარლამენტში, ის ვერასდროს იქნება ჩვენი დეპუტატი. ასეთი პიროვნებები საქართველოს პარლამენტში არ უნდა იყვნენ. არათუ ჩვენს უფლებებს ვერ დაიცავს, ნებისმიერი სხვა უმცირესობის მიმართ მისი დამოკიდებლება არაჯანსაღი იქნება" - ამბობს ჯამბულ აბულაძე. 

როგორ აფასებს სოფელ მოხეს მკვიდრი მმართველი გუნდის კანდიდატს?

სოფელ მოხის მკვიდრი თეიმურაზ მიქელაძე მიიჩნევს, რომ ხელისუფლებამ ახალციხე-ადიგენის ოლქში გიორგი კოპაძის კანდიდატურის წარდგენით შეცდომა დაუშვა. 

კოპაძე ორი წლის წინ კოპაძე სოფელ ჭელაში მინარეთის დაბრუნებას აპროტესტებდა. იგი თანამოაზრეებთან ერთად რეფერენდუმის ჩატარებასაც ითხოვდა, რომლითაც მოსახლეობას უნდა გადაეწყვიტა, უნდა იყოს თუ არა საქართველოში მინარეთები.

თემურ მიქელაძე „ლიბერალთან" საუბარში ამბობს, რომ „ხელისუფლებას შეეძლო, რეგიონში ბევრი ღირსეული კანდიდატი წარმოედგინა, თუმცა ხელისუფლების ერთმა ჯგუფმა ასეთი გზა აირჩია". 

მიქელაძე მიიჩნევს, რომ გამარჯვების შემთხვევაში, კოპაძე მუსლიმი თემის ინტერესებს არ დაიცავს. 

„დღესდღეობით ამ ისტორიული შენობის ირგვლივ რაც ხდება ძლაინ სამწუხაროა. არ გვეძლევა ტრადიციული ლოცვის აღსრულების საშუალება. არ ვიცით, რას ვაშავებთ, რატომ აქვს სახელმწიფოს მუსლიმების მიმართ ასეთი დამოკიდებულება. ველოდებით სახელმწიფოს კეთილ ნებას. არავინ ვფიქრობთ, რომ ის ჩვენს ინტერესებს დაიცავს. ახლა მეტი საშუალება აქვს, რომ ჩვენ შეგვზღუდოს და სახელმწიფოს მტრებად წარმოგვაჩინოს" - ამბობს მიქელაძე. 

ჯერ კიდევ ოქტომბერში პოლიციამ ნაგებობის კარი აჭედა მას შემდეგ, რაც მუსლიმებმა მასში ლოცვის აღვლენა დაიწყეს. 

შსს-ში ამბობენ, რომ კარ-ფანჯრის აჭედვა კანონის შესაბამისად მოხდა, თუმცა სამინისტროში არ აკონკრეტებენ, რომელი კანონით ხელმძღვანელობდნენ სამართალდამცავები. 

სოფელ მოხეში მდებარე #11-ე საარჩევნო უბანზე 15:00 საათის მდგომარეობით 50%-ზე მაღალი აქტივობა დაფიქსირდა. კომისიის თავმჯდომარემ „ლიბერალს“ უთხრა, რომ ხმის მიცემის პროცესი მთელი დღის განმავლობაში მშვიდ ვითარებაში მიმდინარეობდა და არცერთი საჩივარი არ დაწერილა. უბანზე 426 ამომრჩეველია რეგისტრირებული.

მე-11 უბნის მახლობლად მდებარეობს მოხის „სადავო ნაგებობად" წოდებული შენობა, რომლის წარმომავლობის დასადგენადაც რელიგიის საკითხთა სახელმწიფო სააგენტოს ფარგლებში სექმნილი კომისია უკვე ორი წელია, კონკრეტული შედეგის გარეშე მუშაობს. 

მოხე მეტწილად მუსლიმი თემით დასახლებული სოფელია.

­­­ახალციხისა და ადიგენის საარჩევნო ოლქში „ქართული ოცნების“ მაჟორიტარი კანდიდატი გიორგი კოპაძე ამბობს, რომ მართალია, პირველ ტურში კონკურენტზე დაბალი მხარდაჭერა მიიღო, თუმცა მეორე ტურში ნამდვილად გაიმარჯვებს.

„ბრძოლა წავაგეთ, მაგრამ ომს მოვიგებთ“ - ამბობს კოპაძე „ლიბერალთან“ საუბარში.

მისი თქმით, საარჩევნო ოლქშ არჩევნები სამართლიანად და მშვიდ გარემოში მიმდინარეობს, თუმცა ხდება უმნიშნელო დარღვევები, რასაც იგი კონკურენტი მხარის პროვოკაციად აფასებს.

„შეცდომაში შეჰყავთ საუბნო კომისიები, მაგალითად უბანზე შედიან პირადობის ქსეროასლით და ალბათ [კომისიაში] ყველა არ არის ისეთ კვალიფიციური და შეცდომაში შეჰყავთ. იყო რამდენიმე შემთხვევა, როცა ენმ-ს მხარდამჭერებმა ბიულეტენები გამოიტანეს, თუმცა, კომისიის წევრებმა ეს აღმოფხვრეს. ეს რაბათის მე-5 უბანზე მოხდა“ - ამბობს კოპაძე.

რაც შეეხება მოლოდინებს, ამბობს, რომ ყოველთვის გამარჯვებისთვის იბრძვის და მოლოდინიც შესაბამისი აქვს.

„ლიბერალის“ შეკითხვაზე, თუ რამ გამოიწვია ის, რომ პირველ ტურში მან კონკურენტზე დაბალი მაჩვენებელი აიღო, კოპაძე ამბობს, რომ ამაზე საუბარი შრს წაგვიყვანს, თუმცა ამის ობიექტური და სუბიექტური მიზეზები არსებობს.

„ვერაფერს გეტყვით ამის შესახებ. ალბათ იყო ამის მიზეზები, ამაზე ლაპარაკი შორს წაგვიყვანს რადგანა მას ობიექტური და სუბიექტური მიზეზები აქვს. მაგრამ ეს არის ბრძოლა. ერთ ბრძლა წავაგეთ, მაგრამ მე ვიცი, რომ ომს მოვიგებთ“ - ამბობს კოპაძე.

ადიგენის #1 საარჩევნო უბანზე ხმის მიცემის პროცესი მშვიდ ვითარებაში მიმდიანრეობს.

საუბნო კომისიის თავმჯდომარე ციალა ჩილაშვილი „ლიბერალთან“ საუბარში ამბობს, რომ ტექნიკური ხასიათის ხარვეზები იყო, თუმცა საქმე საჩივრის დაწერამდე არ მისულა.

მისი თქმით, პირველ ტურში უბანზე აქტივობა შედარებით მაღალი იყო. მისი ინფორმაციით, ამ დროისთვის უბანზე აქტივობა 1/3-ზე მაღალია.

#1 საარჩევნო უბანზე 850 ადამიანია ჩაწერილი.

უბანზე არჩევნების მშვიდ პირობებში მიმდინარეობს „ლიბერალთან“ ადასტურებენ „ერთიანი ნაციონალური მოძრაობისა“ და „ქართლი ოცნების“ დამკვირვებლებიც.

ახალციხესა და ადიგენის საარჩევნო ოლქში „ერთიანი ნაციონალური მოძრაობის“ მაჟორიტარი კანდიდატის, ვაჟა ჩიტაშვილის თქმით, ოლქში საარჩევნო პროცესი მძიმე გარემოში მიმდინარეობს, რაც მუქარაში, ზეწოლასა და მოსახლეობის დაშინებაში გამოიხატება.

როგორც ის „ლიბერალთან“ საუბარში აღნიშნავს, უცნობი პირები კანდიდატის მხარდამჭერების სახლებთან დგანან და ეუბნებიან, რომ არჩევნებზე არ მივიდნენ.

„მოხუცს გადასატანი ყუთი მიუტანეს  და უთხრეს, ბებია, მოხუცი ხარ და გაითვალისწინეო. რასაც გეტყვი, უნდა შემოხაზოო. 7-დან 5 მოექცა ზეგავლენის ქვეშ. რაბათის დასახლებაში მოხდა ეს. ყველა ქუჩაზე დგანან დ ეუბნებიან, არ გამოხვიდეთო“ - ამბობს ჩიტაშვილი.

მისი თქმით, ეთნიკურად სომეხი მოსახლეობით დასახლებულ უბნებში ადამიანებს ეუბნებიან, რომ ვიდეოკამერაა დაყენებული და „ყველაფერი თქვენს თავს დააბრალეთ, რაც მოხდებაო“.

რაც შეეხება მოლოდინს, ჩიტაშვილი ამბობს, რომ პირველ ტურში დიდი უპირატესობით მოიგო, ამიტომ იმედი აქვს, რომ ოლქში გამარჯვებული სწორედ ის იქნება.

„იმ ადამიანებს, ვისაც აზრი ვერ შეაცვლევინეს, ეუბნებიან, არ მოხვიდეთ არჩევნებზეო. როგორც კი აქტივობა ეცემა, ე.ი. მათი მიზანი მიღწეულია. ჩვენი პროგრამა რეალური იყო. პარლამენტის წევრი ვარ და იმედგაცრუებული რომ ყოფილიყო ჩემით ამომრჩეველი, პირველივე ტურში დავმარცხდებოდი“ - ამბობს ჩიტაშვილი.

მისი თქმით, მთავარია, ადამიანს თავისუფალი არჩევანის, თავისუფლად აზროვნების საშუალება ჰქონდეს.

„არც ერთი არმომრჩევლისთვის არ მითქვამს, ხმა მე მომეცით-მეთქი. მე მათ პროგრამა წარვუდგინე და ვუთხარი, რომ თავისუფალი არჩევანი გაეკეთებინათ“ - ამბობს ჩიტაშვილი.

ადიგენის ოლქში 12:00 საათის მონაცემებით ამომრჩეველთა აქტივობა 18,32%-ია, რაც იმას ნიშნავს, რომ ამ დროისთვის ხმა 2 844-მა ამომრჩეველმა მისცა. 

ადიგენის საოლქო საარჩევნო კომისიის თავმჯდომარე ამბობს, რომ არჩევნები მშვიდ გარემოში მიმდინარეობს. მისი თქმით, დაფიქსირდა მცირედი დარღვევა, კერძოდ, ამომრჩეველმა ბიულეტენი კაბინიდან გამოსვლის შემდეგ დაკეცა.

12:00 საათის მონაცემებით, ახალციხის ოლქში ამომრჩეველთა აქტივობა 17,85%-ია, რაც იმას ნიშნავს, რომ ამ დროისთვის ხმა 6 198-მა ამომრჩეველმა მისცა.

ახალციხე-ადიგენის საარჩევნო ოლქში სულ ორი სააოლქო კომისია და 53 საარჩევნო უბანია.

ახალციხის ოლქში საარჩევნო უბნები 8:00 საათზე გაიხსნა.

10:00 საათის მონაცემებით ოლქში აქივობა 6,59% იყო, რაც იმას ნიშნავს, რომ საარჩევნო უბნებზე 2290 ადამიანი მივიდა.

საოლქო კომისიაში აცხადებენ, რომ არჩევნები მშვიდ გარემოში მიმდინარეობს და ამ დროისთვის სერიოზული დარღვევები არ ფიქსირდება.