ჯგუფ "ბირჟა მაფიის" წევრების მხარდასაჭერად დღეს ათასობით ადამიანი გამოვიდა ქუჩაში.
აქციის მონაწილეებმა მსვლელობა რუსთაველის მეტროს მიმდებარე ტერიტორიიდან დაიწყეს და ხმაურით და სოლიდარობის გამომხატველი შეძახილებით, პარლამენტის შენობის წინ დაასრულეს.
მოქალაქეების სიმრავლის გამო რუსთაველის ქუჩა გადაკეტილი იყო.
"თეთრი ხმაურის" მიერ ორგანიზებულ აქციაზე სხვადასხვა აქტივისტის გარდა, დაკავებული რეპერების, მიშკა მგალობლიშვილსა და გიორგი ქებურიას ოჯახის წევრებმა და მეგობრებმაც ისაუბრეს. სახელმწიფოს მოუწოდებენ, რეპერები უახლოეს დღეებში გათავისუფლდნენ.
"ძალადობრივი ნარკოპოლიტიკა უნდა დასრულდეს!“,- ამბობენ აქციის ორგანიზატორები.
შსს-მ ნარკოდანაშაულის ბრალდებით ჯგუფი „ბირჟა მაფიის“ წევრები გიორგი ქებურია და მიშკა მგალობლიშვილი დააკავა. ორივე მათგანს თბილისის საქალაქო სასამართლომ წინასწარი პატიმრობა შეუფარდა. ისინი ბრალს არ აღიარებენ და დაკავებას უკავშირებენ კლიპს, რომელშიც პოლიციელს აშარჟებენ.
