დღეს, 9 მაისს, ვაკის პარკთან რამდენიმე აქცია გაიმართა, მათ შორის ანტისაოკუპაციო და ასევე პრორუსული ძალების მიერ ორგანიზებული. აქციებს ინციდენტების გარეშე არ ჩაუვლია.
„ოკუპანტის ვერასოდეს დაამარცხებს ფაშიზმს“ - ასეთი იყო ანტისაოკუპაციო მოძრაობების ლოზუნგი. პრორუსი აქტივისტები, მათ შორის „უკვდავი პოლკისა“ და კომუნისტური პარტიის წევრები კი მოითხოვდნენ რუსეთთან დიპლომატიური ურთიერთობის, ასევე სტალინის ძეგლის აღდგენას. აქციის მონაწილეებს ხელში ეჭირათ სტალინის ფოტოები.
აქციაზე ერთი პირი დააკავეს საბჭოთა სიბოლიკის - ნამგალისა და უროს ამსახველი დროშის ტარებისთვის. აღნიშნული პირი არ დაემორჩილა პოლიციის მოწოდებას დროშა შეენახა. მეორე პირი კი როგორც თავად აცხადებს, „რუსეთის გინებისთვის“ დააკავეს.
MDF-ის კვლევით „რუსულ სამყაროს” პარტნიორი ორგანიზაციები საქართველოში ძირითად კრემლის პოლიტიკური პროექტების ორგანიზებასა და განხორციელებაში მონაწილეობენ, როგორიცაა საქართველოში ფაშიზმზე გამარჯვების დღის 9 მაისის აღნიშვნასთან დაკავშირებით რუსული „უკვდავი პოლკის“ ქართული „დანაყოფის“ მსვლელობა, „გეორგევსკის ლენტების“ დარიგება სხვადასხვა ქალაქში, „აჭარის ოსმალეთის იმპერიისგან გათავისუფლებასთან“
