10 მაისს პრეზიდენტი მიხეილ სააკაშვილი თბილისის სახელმწიფო უნივერსიტეტის სტუდენტებს შეხვდა. დასწრება წინასწარი რეგისტრაციით იყო შესაძლებელი. პრეზიდენტთან შეხვედრა ძირითადად, კითხვა-პასუხის რეჟიმში გაიმართა. სტუდენტებს შეეძლოთ ნებისმიერ თემაზე დაესვათ კითხვები. შეხვედრის ბოლოს პატარა ინციდენტიც მოხდა. ერთ-ერთი სტუდენტი უნივერსიტეტში არსებული პრობლემების შესახებ სიტყვით გამოვიდა, ამის შემდეგ კი, “ლაბორატორია 1918-ის” წევრებმა პროტესტის ნიშნად სტვენით დატოვეს დარბაზი.