30 ივლისს ფემინისტების დამოუკდიებელმა ჯგუფმა სასამართლო ექსპერტიზის ეროვნული ბიუროსთან საპროტესტო აქცია გამართა. ფემინისტები ბიუროს მიერ ნებისმიერი მსურველისთვის ქალიშვილობის დადგენის სერვისის შეთავაზებას აპროტესტებდნენ.

აქციის მონაწილეები საზოგადოებაში არსებულ, გათხოვებამდე ქალწულობის პრაქტიკას პატრიარქალური ღირებულებების გამოვლენად მიიჩნევენ და საუბრობენ, რომ ეს პრაქტიკა ქალების სექსუალობის კონტროლს, მათ არათანაბარ მდგომარეობაში ჩაყენებასა და საბოლოოდ, მეორეხარისხოვან მოქალაქეებად ქცევას იწვევს. ,,საგანგაშოა ფაქტი, რომ ამ მავნე ტრადიციის პრაქტიცირებას ხელს უწყობენ სახელწიფო ინსტიტუტები (ვგულისხმობთ "ლევან სამხარაულის სახელობის სასამართლო ექსპერტიზის ეროვნული ბიუროს", რომელიც ქალიშვილობის დადგენის სერვისს სთავაზობს ყველა მსურველს), რაც ერთმნიშვნელოვნად ეწინააღდეგება საქართველოს კონსტიტუციას და გაცხადებულ გენდერულ პოლიტიკას."- წერია ფემინისტთა დამოუკიდებელი ჯგუფის განცხადებაში.