მდინარე სტორის ხეობა კახეთში, სოფელ ლეჩურსა და ფშაველს მიუყვება. ზღვის დონიდან 3000 მეტრ სიმაღლეზე მდებარეობს. მდინარის სანაპირო ზოლი 18-მდე რეკრეაციულ ადგილს ითვლის. თითქმის ყველა მათგანი სავსეა დაცლილი ლუდის ბოთლებით, ერთჯერადი მოხამრების ჭიქებით, პოლიეთილენის პარკებითა და სხვადასხვა სახეობის ნაგვით. მდინარის სანაპირო ზოლი ადგილობრივ ტურისტებს დასასვენებლად მოსწონთ, თუმცა ნაგვის გატანა ავიწყდებათ.
კავკასიის გარემოსდაცვითი არასამთავრობო ორგანიზაციის (CENN) ინიციატივით, 31 ოქტომბერს საველე ვიზიტი მოეწყო, რაც მდინარე სტორის კალაპოტის სიგრძივ არსებული სტიქიური რეკრეაციული ადგილების გარემოსდაცვით შეფასებასა და ინფრასტრუქტურის მოწყობას გულისხმობდა.
საველე ვიზიტში მონაწილეობა არასამთავრობო სექტორის წარმომადგენლებთან ერთად, ხელისუფლების წევრებმაც მიიღეს. ვიზიტის მონაწილეებმა რეკრეაციული ადგილები მოინახულეს და იქ არსებულ ეკოლოგიურ და სანიტარულ მდგომარეობას გაეცნენ.
