ნული დისკრიმინაცია, ნული სიკვდილიანობა, ნული ახალი ინფექცია, - საქართველოში შიდსთან ბრძოლის საერთაშორისო დღე აღინიშნება.
კამპანიის ფარგლებში უფასო ტესტირება მოეწყო და კონტრაცეპტივები გავრცელდა.
ორგანიზატორების თქმით, კამპანიის მიზანი აივ-შიდსთან დაკავშირებით საზოგადოების ცნობიერების ამაღლებაა, ასევე, ვირუსის გადადების გზებისა და პრევენციის შესახებ მოსახლეობის ინფორმირება.
„მსოფლიო ექიმები - საფრანგეთის“ წარმომადგენლის, ინა ინარიძის თქმით, საქართველო შიდსის ვირუსის დაბალი გავრცელების ზონას მიეკუთვნება, თუმცა ამ მხრივ მზარდი ტენდენცია შეიმჩნევა.
„დღესდღეობით საქართველში 4646 შემთხვევაა დარეგისტირებეული, მაგრამ სავარაუდოდ ინფიცირებულია 6 000-მდე ადამიანი. 2 წლის წინ 4000-5000 იყო“, - ამბობს ინარიძე.
