საქართველოს მთავრობამ დაამტკიცა არასრულწლოვანთა მართლმსაჯულების კოდექსი, რომელიც მიზნად ისახავს ადგილობრივი კანონმდებლობა და პოლიტიკა მაქსიმალურად შეესაბამებოდეს საერთაშორისო სტანდარტებს. 

არასრულწლოვანთა მართლმსაჯულების კოდექსი კომპლექსური დოკუმენტია და მოიცავს საკითხებს, რომლებიც ეხება კანონთან კონფლიქტში მყოფ და დანაშაულის მსხვერპლ ან მოწმე ბავშვებს ისევე, როგორც ადმინისტრაციულ სამართალდარღვევათა საქმის წარმოებაში მონაწილე ბავშვებს. 
ამ კოდექსის ამოქმედების შემდეგ საქართველოში იქნებიან სპეციალიზებული პოლიციელები, გამომძიებლები, ადვოკატები, პროკურორები და მოსამართლეები, რომლებიც ბავშვთა საქმეებზე იმუშავებენ. პატიმრობა გამოიყენება როგორც უკიდურესი ზომა და პრიორიტეტი მიენიჭება ალტერნატიულ ზომებს, როგორიცაა მაგალითად, განრიდება. 

ამ თემაზე ფრონტლაინ კლუბში 25 მარტს დისკუსია გაიმართა.

მომხსენებლები: 

ალექსანდრე ბარამიძე - იუსტიციის მინისტრის მოადგილე;

პიერ ფერი - გაეროს ბავშვთა ფონდის ბავშვთა დაცვის პროგრამის ხელმძღვანელი;

რენატე ვინტერი - ევროკავშირის პროექტი "სისხლის სამართლის მართლმსაჯულების სისტემის მხარდაჭერა საქართველოში", პროექტის ხელმძღვანელი.

მოდერატორი: 

მაია ცირამუა - ფისქოლოგი, წამების მსხვერპლთა რეაბილიტაციის ცენტრი GCRT 

დისკუსია ჩატარდება ფრონტლაინ ჯორჯია კლუბის და ჟურნალ ლიბერალის ერთობლივი პროექტის - “დისკუსიები ბავშვთა უფლებების თემაზე” ფარგლეებში, გაეროს ბავშვთა ფონდის (UNICEF) მხარდაჭერით.